Улам күн ысып, көздөн көлдүн карааны учуп жаткан кез. Мындай аптапта сууга чумкуп сергип алганга эмне жетсин?! Шаар тургундарынын баарынын Ысык-Көлгө барып чардаганга убактысы жете бербейт эмеспи. Ошондой болсо да эс алууга убакыт боло калганда сууга түшкөнгө бассейндер бар. Быйылкы сезондо алардын баалары жана шарттары тууралуу маалымдаманы сунабыз.

БАССЕЙНГЕ БАРГАНДА КЕРЕК БОЛУУЧУ БУЮМДАР:

• Резина баш кийим (айрым бассейндерде берилет);
• Купальник, плавки, бутка илип алма бут кийимдер;
• Сүлгү, самын, жышынгыч, шампунь;
• Сууга түшүүгө ылайыкташкан көз айнек.

Эсиңизде болсун!

• Териңизде карттанган же сырты ачык жара болбошу керек.
• Бассейнге түшөрдө душка бир сыйра чайканып чыгуу зарыл.
• Чыккандан кийин да душка чайканып алыңыз. Себеби бассейндеги суу хлордуу болот.

Эскертүү! Каракол, Нарын жана Баткен шаарларындагы бассейндер иштебегендиктен тизмеге кошулган жок.