15-июль күнү болжол менен саат 7:30дар чамасында Чүй облусунун Аламүдүн районунун ГЭС-5 айылында белгисиз айдоочу жөө адам өтүүчү жерден бир айымды коюп кеткен.
Чүй ОИИББинин басма сөз кызматы билдиргендей, 53 жаштагы жергиликтүү айылдын тургуну окуя болгон жерден каза болгон. Ал эми айдоочу жардам берүүнүн ордуна кырсык болгон жерден изин жашырып кеткен.
Автоунаанын болжолдуу белгилери облустук ички иштер бөлүмдөрүнө кабарланып, жыйынтыгында жол-кайгуул кызматкерлери тарабынан издөөгө алынган. Көп өтпөй кылмышка шектүү деп Сокулук районунун жашоочусу кармалды. Айыпталуучу жол кырсыгы болгон учурда Мазда 323 автоунаасына мас абалында отургандыгы аныкталды.

Айбала Эргешов
koom@super.kg