14-июль күнү казак жергесинде «Аалам азили» аттуу эл аралык фестиваль болуп өттү. Фестивалда Кыргызстан, Орусия, Беларусь, Өзбекстан жана Каракалпакстандын куудулдары өнөрлөрүн тартуулашты. Кыргызстандын атынан куудул Абды Кадырматов катышып, кыргыз-орус тилдеринде тамаша тартуулап келгенин айтат. «Фестивалда Орусиянын Евгений Петросян, Карен Аванесян аттуу белгилүү куудулдары менен жүз көрүшүп, маектешип келдим. Петросян талантымды баалап, мактоо сөздөрүн айтып, мени сүйүнттү. Катышуучулар он мүнөттүк кыскача тамаша тартуулап, баалуу белек, дипломдорго ээ болдук»,- дейт куудул. Ошондой эле Петросянды Кыргызстанга чакырганын, ал "мен картайып башка өлкөгө көп чыкпай калдым. Ошентсе да бул сунушту ойлонуп көрөйүн" деп айтканын кошумчалады.

star@super.kg