Кадамжай районунун аймагында жаныбарлардын тиш­төөсүнөн жабыркап, медициналык жардамга кайрылгандар көп болууда. Райондук мамлекеттик администрация маалымдагандай, 2013-жылдын 6 айында 364 адамды түрдүү жаныбарлар тиштеп алган. Алардын ичинен ит тиштегендер – 282, мышыктардан – 16, айыл чарба малдарынан жабыркагандар – 44, келемиштен – 13, түлкүдөн – 3, жылкыдан – 2, эшектен 4 адам жабыркаган. Кадамжай райондук ветеринардык башкармалыгынын башчысы Таир Мадимаровдун айтымында, өткөн жумада Бирлик айыл округунун жайлоосунан 1 кой, 1 музоо, Алга айыл округунун Көк-Талаа жайлоосунан 2 бодо малдан кутурма оорусу аныкталган. Бул малдар өлтүрүлүп, көмүлгөн. Кутурган малдар ооруну чөө бөрүлөрүнөн жуктурган.

Бегайым Тажибай кызы
batken@super.kg