• Нан көпкө чейин катыбай жумшак турсун десеңиз, нан салгычтын ичине бир кесим алма салып коюңуз.
• Эгер нан салгычтын (же нан салынган баштыктын) ичи тердеп кетсе беш-алты даана кант салып коюу керек.
• 2-3 күн турган нанды кургатып (сухарь) койгон туура. Ал үчүн нанды кесимдерге бөлүп, майланбаган табакка салып электр мешинде 10-15 мүнөт кармоо абзел.
• Кара нан менен ак нанды чогуу сактоого болбойт. Себеби ак нан кара нандын даамын жана жытын өзүнө сиңирип алып, өзүнүн даамын жоготуп коёт.
• Жумшак нанды целлофан, ал эми сырткы кыртышы калың нанды кагаз баштыкта сакташ керек. Ошондо нан табигый даамын жоготпойт.
• Нанды муздаткычта эмес, бөлмөнүн көлөкө жеринде сактаган оң.
• Эч качан нанды ысык кезинде баштыкка же нан салгычка салбаңыз. Анткени нык болуп калат.
• Кургап калган нанды жибитем десеңиз, аны касканга салып ысык бууда 2-3 мүнөт кармасаңыз болот.

Салтанат Мукасова
kenesh@super.kg