Апта сайын жол кырсыктарын угуп үрөй учууда. 21-августта саат 22:00 чамасында Кара-Көл шаарында автокырсык катталды. Ош-Бишкек унаа жолунун 373-чакырымында Тойота-Королла унаасынын айдоочусу рулду башкара албай калып Кара-Суу дарыясына түшүп кеткен. Автоунаанын ичинде 8 адам болгон. Сууга кулаган унаадан бир аял гана аман калып, анын 2 баласы жана 2 иниси каза тапкан. Балдарынын эң кичинеси 3 жашта болгон. Алардын ичинен сууга агып кеткен 2 жаш баланын денеси дагы деле табыла элек. Бул тууралуу Жалал-Абад облустук Өзгөчө кырдаалдар башкармалыгынан билдиришти. Учурда 20 куткаруучу, 30 жергиликтүү жаран жана 6 укук коргоо кызматкерлери издөө иштерин жүргүзүшүүдө. Бул жол кырсыгында каза болгондор:
1. Пазилат Балбыкова, 63 жашта. Базар-Коргон районунун тургуну
2. Айчүрөк Мусабаева, 42 жашта. Базар-Коргон районунун тургуну
3. Насипа Юсупжанова, 12 жашта. Базар-Коргон районунун тургуну
4. Элдияр Ботобеков, 7 жашта. Базар-Коргон районунун тургуну
5. Айдар Миталипов, 5 жашта. Базар-Коргон районунун тургуну
6. Мээрим Миталипова, 3 жашта. Базар-Коргон районунун тургуну
7. Тимур Култемиров, 32 жашта. Базар-Коргон районунун тургуну, унаанын айдоочусу

Кенже Тынымбек кызы
Jalalabad@super.kg