«9-сентябрга чейин жыйналууга тийиш болгон 12 900 гектар жердеги кылкандуу дан эгиндеринин 12 400 гектары жыйналып алынып, ал жалпы жыйналуучу эгиндин 93,3 пайызын түздү",- деп билдирди Талас облустук агрардык секторунун баш­чысы Абай Шатманов. Учур­да облустун кырманына 32 881 тонна кылкандуу дан эгиндери түшсө, анын 29 346 тоннасын буудай түзөт. Бүгүнкү күндө эгин чабык иштери Манас, Бакай-Ата, Кара-Буура райондорунда толук аяктаса, жогорку зона болуп эсептелген Талас районунда 67 пайызы жыйналып алынгандыгын кошумчалады.