Жалал-Абаддын Чаткал районуна караштуу Коргон-Сай айылына жакын жерге «Империя-Групп» фирмасы тарабынан асфальт-бе­тон заводу курулуп, 5 чакырым жолго асфальт төшөлөт. 2013-жылдын 6-майында Ала-Бука, Каныш-Кыя, Кировка унаа жолунун Чаткал өрөөнүн аралап өткөн бөлүгүнүн 15 чакырымын асфальттоо боюнча токтом кабыл алынган. Анын негизинде быйыл 5 чакырым аянтына асфальт төшөлүп, калган 10 чакырымына кийинки жылы тө­шө­лө­рүн билдиришүүдө.
Ага кеткен каражатты район аймагында иш жүргүзгөн фирмалар которуп, жалпы суммасы 10 миллион сомго жеткен. Бул ишти көзөмөлдөө үчүн райадминистрация тарабынан атайын комиссия түзүлгөн.