Талас районунун Арал айылынын тургундары жаңы комбайндуу болушат. Бул тууралуу аталган айыл өкмөттүн башчысы Нурлан Абдылдаев билдирди. Тоо кен байлыктарын чалгындоо иштерин жүргүзүп жаткан «Коперголд» алтын кен чалгындоо компаниясы аталган айыл өкмөткө социалдык жардам катары
4 миллион 192 миң сом которуп берген. Ал эми айылдык кеңештин депутаттары бул акчага айыл эли үчүн дан эгиндерин оруп, жыйноочу комбайн сатып алууну чечишти. «Анткени айылдын фермерлери жыл сайын комбайндын жетишсиздигинен кыйналып келишкен, биз үчүн өтө чоң жардам болуп жатат»,- деп билдирди Абдылдаев.

Гүлназ Атантаева
talas@super.kg