Кыргыз ырчыларынын ити чөп жеп жаткан чагы десек жарашчудай азыр. Анткени акыркы кезде кыргыз ырларына кошуналар көз артып, биринин артынан экинчисин сатып алса алып, болбосо «уурдап» дегендей, айтор, ыр сандыгын байытышууда. Бул ирет кезек Өктөм Сапар уулунун ырларына жетиптир. Ырчынын айтымында, анын «Шербетим» аттуу ырына тажиктердин Ситора Азими аттуу ырчысы ашык болуп, сатып алыптыр. «Мурун Ситора өзбектердин музыканттары менен иштешип, бир ырын 5 миң долларга сатып алчу экен. Бизде андан эки эсе арзан болуп жатпайбы. Бул сумма бизге жакшы акча болгону менен, аларга аздай туюлат тура»,- деп Өктөм жаңы тапкан кардарына кубанууда. Андан сырткары дагы бир тажик ырчысы атайын Кыргызстанга келип, клип тартып жатканын ырчы кошумчалап өттү.

star@super.kg