27-сентябрь күнү Кызыл-Кыя шаарындагы Түштүк кичи районунда «Байчечекей» аттуу жаңы балдар бакчасы ачылды. Балдар бакчанын ачылуу аземине КРнын Өкмөтүнүн Баткен облусундагы ыйгарым укуктуу өкүлү Жеңиш Раззаков, Кызыл-Кыя шаарынын мэри Абиш Халмурзаев жана ата-энелер катышышты.
Шаар мэри бул шаарда 14 балдар бакчасы бар экендигин айтып, бул чек эместигин белгиледи. Андан кийин сөз алган өкмөттүн Баткен облусундагы ыйгарым укуктуу өкүлү Жеңиш Раззаков балдардын эртеңки келечеги бүгүндөн башталарын айтып, балдар бакчасына муздаткыч, оюнчуктарды тапшырды. Жаңы балдар бакчасы 200 орунга ылайыкташтырылган.

Бегайым Тажибай кызы
batken@super.kg