3-октябрда Улуттук филармонияда Калык Акиевдин 130 жылдыгына карата эл аралык айтыш өткөн. Амантай Кутманалиев баасы 8000 долларлык Мерседес автоунаасына ээ болду. 40 мүнөткө созулган финалдык беттеште Амантай Аалы Туткучев менен айтышкан. Аалы Амантайга азил-чыны аралаш тийишип, бир топ эле айласын кетирген. «Айрымдар мени «өмүрүндө баш байге албаган» дептир. Мен бир нече жолу баш байге алып, 2-жолу темир тулпарлуу болдум»,- дейт сары кашка акын. Ошентип, 1-орунду Аалы Туткучев (100 миң сом), 2-орунду Кубат Тукешов (70 миң сом), 3-орунду Азамат Болгонбаев (50 миң сом) ээлешти. «Башка өлкөдөн да төкмөлөр келдиби? Алар орунга ээ болушкан жокпу?» деген суроолорубузга Амантай акын мындай деп жооп берди: – Казакстандан төрт төкмө келди. Бизде өткөн мурунку айтышта кош байге коюлуп, үч орунда тең казактар бар болчу. Биз Казакстанга барганда дайыма орунга илинбей калабыз. Бул жолкусунда калыстар ошону эске алышты окшойт, казак туугандар жайдак калышты.

star@super.kg