Чүй ОИИББинин Уюшкан кылмыштуулукка каршы күрөшүү башкармалыгынын кызматкерлери жол көзөмөлдөө кызматкерлери менен биргеликте баңгизатын ташуу кылмышынын бетин ачышты. 11-октябрда саат 23:40 чамасында атайын өткөрүлгөн операция учурунда Сокулук районунун Маловодное айылында 36 жаштагы К.Б. аттуу Бишкек шаарынын тургуну башкарып келе жаткан Мерседес автоунаасы токтотулган. Анын ичин кароо учурунда арткы орундуктан 9 килограмм 865 грамм марихуана салынган баштык табылган. Автоунаанын айдоочусу жана 35 жаштагы жүргүнчүсү Сокулук РИИБине жеткирилип, иликтөө иштери жүрүп жатат.

Нурбек Абдыкадыров
koom@super.kg