«Мыкты жигиттер» сериалынан кийин кыздардын жүрөк оорусуна айланган кореялык актёр Ли Мин Хо сагынган күйөрмандарын кайра кубантмакчы. Ушул айдын башында анын катышуусунда «Мураскерлер» аттуу жаңы сериал экрандарга чыкты. Бул жөнүндө актёр өзүнүн интернет баракчасына «Менин көптөн бери чыдамсыздык менен күтүп жүргөн жумушум дал ушул сериал эле, себеби сериалдагы образым өзүмө аябай жагат. Кыскасы, экранга жаңыча образда кайттым» деп жазып өткөн. Сериалда актёр жигит оор басырыктуу, шаан-шөкөттү жактырбаган, билимдүү студенттин ролун аткарган.

Нуркыз Курманбек кызы
star@super.kg