«Өз энесин өлтүрдү» деген шек менен Талас шаарынын тургуну кармалды. Бул тууралуу Талас ШИИББинин басма сөз кызматы билдирди. Алардын маалыматына ылайык, үстүбүздөгү жылдын 25-ноябрь күнү Талас шаарынын Манас көчөсүнө «Тез жардам» кызматы чакырылган. Алар барган учурда 1945-жылы туулган Галина аттуу айым оор абалда болчу. Ал алган жаракаттарынан улам «Тез жардам» унаасынын ичинен каза тапкан.
Көп узабай кылмышка шектелип маркумдун уулу, 1971-жылы туулган Евгений кармалды. Милиция кызматкерлери анын батирин тинтүүгө алганда 150 грамм баңгизаты табылган. Учурда жогорудагы факты боюнча тергөө амалдары жүрүп жатат.

Асхат Субанбеков
koom@super.kg