Өткөн жылы Түштүк Кореяда «Сени сагынам» аттуу сериал жарык көрүп, ал Азия континентинде да көрүүчүлөрдүн купулуна толгон. Аталган сериалдагы негизги каармандардын биринин ролун аткарган Пак Ю Чон жакында «Үч күн» деген сериалга тартылып жатат. Анда ал президенттин жан сакчысынын образын жаратат. Жаңы сериал Түштүк Кореянын SBS телеканалынын эфирине 5-мартта чыкмакчы.
2010-жылы гана актёрдук карьерасын баштаган Ю Чон «Сонгюнгвандагы дүрбөлөң», «Мисс Рипли», «Чатырдан түшкөн ханзаада», «Сени сагынам» сериалдарынын көркүн ачып, атактуулуктун улам бир чокусун ийгиликтүү багындырып келет. Пак Ю Чон режиссёрлордун көзүнө түшкөнгө чейин белгилүү топтун ырчысы катары таанылган

Барчынай Таникулова
star@super.kg