Рахман Разыков, Гүлшайыр Садыбакасова сыяктуу белгилүүлөр роль жаратып, Рысбек Жабиров режиссёрлук кылган «Түндүктүк келин» тасмасынын көрүүчүлөрү күн санап көбөйүүдө. Дегенибиз, кайсы кино болбосун башында күнүнө 10дон ашык сеанс менен көрсөтүлүп отуруп акырындан азайчу эмеспи. Ал эми аталган фильмде бул көрүнүш тескерисинче болуп жатканын Рысбек мырза айтып өттү. «Кинонун ачылышы болгондо мага кезектегилер көп деп 4 сеанс беришкен. Азыр болсо сеанс 17ге жетти. Башка фильмдер көрсөтүлүп келип, 3-4 сеанска түшчү же таптакыр дайыны чыкпай калчу. Бул тасманы көрүүчүлөр бири-бирине айтып, чакырып отуруп сеансты көбөйтүп алдык деп ойлойм. Суроо-талап көбөйгөндүктөн кинотеатрларда гана эмес, Тарых музейинде дагы көрсөтүүгө өттүк» дейт режиссёр.

star@super.kg