Жаңыдан гана сахнага кадам таштап, кыргыз шоу дүй­нө­сүндө өз ордумду тапсам деген жаш ырчы Арген «Боз торгой» ырына алгачкы клибин тартып көрөрмандарга сунуштады. Чыгармачылыгынын башаты тууралуу ырчы: «Өзүм 8 жашымдан бери ырдайм, калың элге атым таанылбаганы менен, шоу чөйрөдөгү ырчылардын көбү таанышат. Ошто кафеде ырдап, музыка менен эле алпурушуп жүрүп чоңойгом. Убакыт-сааты келип эми чоң сахнага аттанайын деп жатам. Жакында эле «Боз торгой» деген ырыма клип тартып бүттүк. Клиптин дарегине жакшы ойлорду угуп жатабыз. Бул башталышы гана. Алдыда мындан да мыкты, сапаттуу клиптерди тартабыз»,- дейт. Биз да жаш ырчы Аргендин сахнанын өчпөс жылдызына айланышына тилектешпиз.