Атактуу автожарышчы, 45 жаштагы Михаэль Шумахер комадан чыгып, калыбына келтирүүчү борборго жөнөтүлдү. Спортчу мындан ары кайсы борбордо дарыланары тууралуу маалымат жок. Анткени анын жакындары эл көзүнөн алыс болуп турууну эп көрүшүүдө. Шумахердин расмий менеджери Сабина Кем анын комадан чыкканын ырастап, спортчуну дарылаган оорукананын бардык кызматкерлерине ыраазычылык билдирди.
Эске салсак, Михаэль Шумахер 2013-жылы 29-декабрда Альпы тоолорунда лыжа тээп жүрүп жолдон чыгып кеткен. Натыйжада спортчунун баш мээси жаракат алып, тик учак менен Гренобль шаарындагы ооруканага жеткирилген.

Гүлжамал Бөрүкулова
star@super.kg