– Менин турмушка чыкканыма 3 ай болду. Жакындан бери бирөө менин чөн­төк телефонума чалып, күйөөм экөөбүздү уруштуруп, тынчыбызды алууда. Үнү кыздар­дыкындай, бирок үнүн өз­гөртүп, чалган сайын ар кайсы жигиттин атын айтат. Мен ага «биздин турму­шубузду бузуп жатасың, мунуңду кой» десем укпайт. Күйөөм мени түшүнгөндөй эле болот, бирок ичинен шек­тенип жаткандай. Эмне кылсам болот?

Жемиля, 27 жашта, Нарын

– Телефонуңузда «кара тизме» функциясы бар. Ага чалып жаткан адамдын номерин каттап коюңуз, ошондо ал сизге чала албай калат. Же аны менен сүйлөшкөн сөздөрүңүздүн баарын жаз­ды­рыңыз да (теле­фонго, дик­тофонго), аны укук коргоо органдарына алып барып, үстүнөн арыз жа­зыңыз. Өзү­ңүз менен кошо жол­до­шу­ңуз­ду алып алсаңыз жакшы болот.
Же болбосо ал адамга энер­гия­ңыз менен убак­ты­­ңызды коротпой, жөн гана SIM-картаңызды алмаштырып салыңыз. Үй-бү­лө­лүк бакыт баарынан артык турарын унутпаңыз.

Сиздердин сурооңуздарга «Альтернативаларды алдыга жылдыруу» коомунун координатору, психолог ПЕРИЗАТ АСЫЛБАЕВА жооп берди.

«Адистин кеңеши» рубрикабыз сиздер менен бирге иш алып бармакчы. Юридикалык, медициналык, психологиялык кеңешке муктаж болсоңуз,
бизге кайрылыңыз.
Суроолорду (0312) 32 33 26 номери аркылуу берсеңиздер болот же kenesh@super.kg дарегине кат жазыңыз.