Балдар, жааган карды көрүп чана, лыжа тебебиз деп кубанабыз. Бирок ошол кар жөнүндө кызыктарды биле бербейбиз. Келгиле, кар тууралуу кызыктарга көз жүгүртөлү.

• Карды баскан сайын кырч-кырч деген үн чыгат. Бул кар кристалдарынын сынышынан улам чыккан үн.
• Жер бетинде жашаган элдин жарымы кардын кандай болорун көрүшө элек. Алар кар жаабаган жерлерде жашагандыктан карды сүрөттөн гана көрүшөт.
• Эң чоң кар бүртүкчөлөрү 1887-жылы 28-январда АКШнын Монтана штатындагы Форт-Кео шаарында жааган. Бүртүкчөлөрдүн туурасы 38 сантиметрди түзгөн. 
• Миллиондоп жаап жаткан кар бүртүктөрүнүн арасынан бири-бирине окшошторун табууга мүмкүн эмес.
• Кардын бүртүгүнүн курамынын көпчүлүк бөлүгү абадан турат. Ошондуктан кардын салмагы жеңил болуп, жерге өтө жай түшөт.