«Заманыбыздын супер ырчысы» Каныкей жакында эле АКШдан жолдошу экөө келгенин билебиз. Ырчы келери менен чыгармачылыкка билек түрө киришип, мындан беш жыл мурун чыккан «Жүрөк сыздайт» аттуу ырына клип тартууну баштады. Бул тууралуу ырчы:
– Аталган ырга клип тартуу идеясы продюсерим Мамасадык Багышев менен иштешип жүргөндө эле бар болчу. Клиптин сценарийин көп жылдан бери башымда бышырып жүргөм. Ал ортодо жашоомдо өзгөрүүлөр болуп, чыгармачылыктан бир аз оолактап калдым. Эми ошол оюмдагы сюжетке клип тартууну баштадык. Бизде коомдук ишмерлердин, саясатчылардын көпчүлүгү мырзалар эмеспи. Ал эми айымдар көзгө көрүнөрлүк иш кылса да көлөкөдө калып келишкен. Мен ошол белгисиз, аты аталбай калган чыгаан айымдар тууралуу клип тарткым келди. Буюрса, клип февралдын аягында даяр болуп калат,- деп билдирди.

star@super.kg