Жогорку Кеӊештин депутаты Эсенгул Исаков 5-мартта Япония менен Кыргыз мамлекетинин кызматташтыгынын негизинде 10 гемодиализ аппаратын Бишкекке бекер алып келүү боюнча келишим 1 жыл мурда түзүлгөндүгүн айтты. Эл өкүлүнүн эсептөөсүндө 1 гемодиализ аппаратына бир күндө 3 адам дарыланса, бир жылда 10 гемодиализ аппаратына 10950 адам дарыланганы турат. «10 гемодиализ аппараты ишке киргизилсе бул карапайым адамдар бөйрөк оорусунан жабыркап, кезекке жетпей зарыгып турганда чоӊ колдоо болот эле»,- дейт депутат.
Э.Исаков бул багытта өкмөттүн кайдигерлигине бөйрөк оорусу менен жабыркагандар сын айтып жатканын белгилеп, бул маселени депутаттар көзөмөлдөп, гемодиализ аппараты көзүнөн учуп турган жарандардын көйгөйүн чечип берүүгө кесиптештерин чакырды.

Мирлан Өмүралиев,
SUPER.KG
politika@super.kg