«Бойдок туруп өкүл ата болдум» деп кубанып жүргөн ырчы Автандил чыгармачылыкта да кубанычтуу кадамдарды таштоого камыныптыр. Ал жакында эле Кубаныч Ажыбаев менен «Ден соолук» аттуу дуэтти жаздырган. Эми биротоло элди таӊ калтырайын деп кадимки чүкөдөн костюм тиктирип жаткан кези экен.
«Костюмдун даярдалышына өзүм да кийлигишмей болдум. Сыртынын баарын чүкө менен кооздойм. Топчулары да чүкөдөн болот. Айылдагы туугандарым да чүкө чогултуп жатышат»,- дейт ырчы. Автандилдин айтымында, бул жаӊылык гана жаратуу эмес, кыргыздын нукура буюмдарын жарнамалагысы келгенин кошумчалай кетти.