2014-жылдын ноябрынан тарта Руслан Акун режиссёрлук, Эрмек Нурбаев продюсерлик кылган «Сүйүктүүмдүн каарманы» аттуу тасма элдин назарына коюлган. Тасма кыргыз кино сүйүүчүлөрүнүн купулуна жакшы эле толду көрүнөт, учурунда «Сүйүктүүмдүн каарманына» кеттим» деп киного шашкандарды көп эле кезиктирдик. Баш каармандардын ролун Жеӊиш Майрамбек уулу, Айбек Айтбаев жана казак актрисасы Алия Телебарисова ойногон.
Эми бул тасма Казакстандын бардык кинотеатрларында көрсөтүлмөкчү. Кийинки кездеги кыргыз кинолорунун ичинен биринчи жолу чет өлкөгө прокатка чыгып жаткан тасманын продюсери Эрмек Нурбаевдин айтымында, Казакстандын бардык кинотеатрлары менен келишим түзүлгөн. Тасма 25-апрелде Алматы шаарында жабык эшик артында көрсөтүлүп, 30унан тарта кинотеатрларда коюлат. Бул да болсо кыргыз киносунун бир кадамга алдыга жылганынан кабар берет.

star@super.kg