Бийчи Атай Өмүрзаков окуучуларды таптап, Европа өлкөлөрүндөгү сынактарга катышып, байгелүү орундарды алып жүргөнүн буга чейин жазып келгенбиз. Бул жолу Атайдын окуучулары, кыргыз жана казак бийчи жигиттеринен түзүлгөн «Адем» бий тобу «Украина менин таланттарым» шоусунун 7-сезонунун финалына өтүштү.
Атай мындай жагымдуу кабарын социалдык тармактагы жеке баракчасына жазып: «Окуучуларым менен сыймыктанам, алар Кыргызстан жана Казакстандын атынан чыгышууда. Сиздердин колдооӊор биз үчүн маанилүү»,- деп «Адем» бий тобунун сынактагы видеолорун жүктөгөн. Акыркы жылдары өзүнө орун басарларды тарбиялап, бий өнөрүн Кыргызстанда жандантып койгон Атайдын аракетине баракелде демекчибиз!