Чет элдик маалымат булактары кабарлагандай, 45 жаштагы Голливуд жылдызы Женнифер Лопес акыры 28 жаштагы бийчи Каспер Смартка турмушка чыкмай болду.
Ырчынын жакын курбусу «Каспер Женнифер издеп жүргөн эркектин дал өзү. Ал үйлөнүү тоюн пландай баштады. Женнифер көптөгөн коноктор катышкан салтанаттуу тойду кыялданат. Ал бул үчүн убакытты да, акчаны да аябайт. Жылдын көӊүл чордонундагы үйлөнүү-үлпөт той өткөрүүнү каалаган актриса 3 миллион АКШ долларын коротуу алдында турат»,- деп маалымат каражаттарына билдирген.
Ырчынын курбусунун айтымында, Лопес менен Смарттын никеге туруу жөрөлгөсү декабрь айында Гавайиде өтөт.
Каспер үчүн бул нике биринчи, ал эми эки баласы бар Лопес 4-жолу никеге турат. Эскерте кетсек, Женнифер менен Каспер 2011-жылдан бери чогуу. Орто жерден Каспер ырчынын көзүнө чөп салып, түгөйлөр мамилелерине чекит коюшкан. Бирок бул союздун аягы үлпөт той менен аяктаганы турат.