«Сактансаӊ сактаймын» демекчи, MegaCom компаниясы мобилдик алдамчылыктын өтө кеӊири жайылып жаткандыгы тууралуу эскертет. Шылуундар байланыш операторлорунун абоненттеринин эсебинен мыйзамсыз жол менен каражат табуунун жаӊы жолдорун издеп келишет. Тилекке каршы, алдамчылардын торуна түшкөн ишенчээк адамдардын саны азайбай эле, көбөйүүдө.

Адатта шылуундар абоненттердин ишеничине кирип, утуш оюндары жана акциялар, чет өлкөлөрдөн почта аркылуу келген буюмдар үчүн жана башка ар түрдүү себептер менен акча каражаттарын которууну талап кылышат. Жакын адамдарыӊыз кабылган капилет жагдайлар, кырсыктар тууралуу маалымдашып, сизди ишендирүү үчүн болгон күч-аракеттерин жумшашат.

MegaCom тастыктайт:
Компания уюлдук тармагын, кызматтарын, жаӊы тарифтерин тестирлөөнү өз алдынча жүргүзүп келет. MegaCom абоненттерине мобилдик телефонуӊуздун клавиатурасынан кайсы бир буйрууларды терүү менен тестирлөөгө көмөктөшүү өтүнүчү менен кайрылбайт. Уюлдук оператор, шектүү жагдайларда токтоосуз түрдө укук коргоо органдарына кайрылууну жана сак болууну суранат. Толугураак маалымат менен сайттын «Абоненттин коопсуздугу» бөлүмүнөн таанышсаӊыз болот.