«Газпром Кыргызстан» компаниясынын башчысы Болот Абилдаевдин айтымында, ишкана өкмөттөн көгүлтүр оттун тарифин карап чыгууну суранды. «Азыркы тариф дотациялык болуп саналат. Ал компаниянын чыгашасын жабууга жетпейт. Өкмөт менен жакынкы 3-5 жылга тарифтик саясатты иштеп чыгуу керектиги тууралуу сүйлөшүүлөрдү жүргүзүп жатабыз. Биз ар ай сайын тарифти 3-5 пайызга жогорулатууну сунуштадык»,- деди Абилдаев.
Июнь айына карата жаратылыш газынын тарифи калк үчүн 1 метр кубга 13 сом 59 тыйын, өндүрүштүк ишканалар, коммерциялык жана бюджеттик уюмдар үчүн 1 метр кубга 16 сом 73 тыйын деп бекитилген.

Эльвира Караева
Мирлан Өмүралиев
politika@super.kg