• «БИЛАЙН» уюлдук операторунун башкы директору Олег Клочко укук коргоо органдары тарабынан кармалды делген маалымат тарады. Анын кармалышына февраль айында болуп өткөн жол кырсыгы себеп болгону айтылууда.
• Өлкө башчы АЛМАЗБЕК АТАМБАЕВДИН уулу быйыл аскерге барат. Бул тууралуу президент Улуттук Гвардияны 23 жылдыгы менен куттуктап жатып билдирди. «Бүгүнкү күндө керек болсо университет, институттарды бүткөндөр армияга барам деп жатышат. Арасында менин уулум дагы бар, быйыл катарыӊарга кошулат»,- деди Атамбаев.
• 20-июлда ОРУСИЯДА ЭМГЕКТЕНГЕН Кыргыз Республикасынын жарандарынын каттоого туруу күнүн узарткан документ күчүнө кирди. Документ кыргыз жарандарына Орусиянын аймагында 30 күн каттоосуз жүрүүгө мүмкүнчүлүк берет.
• Кыргыз мамлекетинин мурунку башкы прокурору АИДА САЛЯНОВА көз жарды. «Күчтүү Кыргызстан» партиясынын теӊ төрагасы Расул Умбеталиевдин айтымында, экс-башкы прокурор кыз төрөдү. Айрым маалыматтарга караганда наристеге Алика деген ысым ыйгарылган.
• Жарандар быйылкы жылдын 1-сентябрына чейин автоунаа салыгын, 2-сентябрга чейин турак үйлөргө, батирлерге салыкты жана жер салыгын (короо-жай жанындагы, бактуу-чарба жер тилкелери) төлөө зарыл. Бул тууралуу 23-июлда Мамлекеттик салык кызматынан билдиришти. Салыктарды өз убагында төлөбөгөндүгү үчүн 2000 СОМ суммасында административдик айып салынары каралган.

Мирлан Өмүралиев
politika@super.kg