«Бир тууганчик», «Сүйүктүүмдүн каарманы», «Напарник» тасмаларында баш каармандын ролун жараткан актёр, тамашоучу Жеӊиш Майрамбек уулу 1-октябрь күнү сүйүктүүсү Нурайымга баш кошту. Алп каамыт моюнуна салынган Жеӊиш бойдокчулук менен кош айтышып, бир башы эки болгонуна маашыр.
«Тойдун түйшүгүн өз башыӊа түшкөндө билет экенсиӊ. Үйлөнөм деп 10 күндөн бери уктабай, даярданып жүргөм. Баш кошуу тууралуу оюм мурун эле бар болчу. Убакыт-сааты келип ойлогонум ишке ашып отурат»,- дейт толкунданган тамашоучу. 6 жылдан ашык кыз-жигит болуп жүрүп турмуш жолуна аттанышкан Нурайым менен Жеӊиштин үйлөнүү тоюнан эксклюзивдүү репортажга гезитибиздин кийинки санынан күбө боло аласыздар.