11-ноябрь күнү «Оргтехстрой» ачык акционердик коому «Росинбанк» ААКсы менен биргеликте заманбап «Чатыр-Көл» турак жайынын алгачкы капсуласын салышты. Бул долбоор банк системинин ишкерлер коомчулугу менен тыгыз иштешүүнүн жыйынтыгында ишке ашты.

«БАНК МЕНЕН ИШКЕРДИН МАМИЛЕСИНИН ҮЛГҮСҮ»
Аталган долбоор Бишкек шаарынын тургундарын дагы бир заманбап 12 кабаттуу турак жай менен камсыз кылгандан тышкары банк жана ишкерлердин ортосундагы мамиленин үлгүсү катары саналат. «Росинбанк» менен «Оргтехстрой» курулуш компаниясы бир нече жылдар бою тыгыз иштешип келет. ААК «Росинбанк» башкармалыгынын орун басары Алмаз Бекназартегин буларга токтолду:
– «Росинбанктын» жергиликтүү ишканалар менен тыгыз иш алып баруусу шаардын инфраструктурасын өнүктүрүүгө аз да болсо салымын кошуп келет. Буга чейин биздин банк өлкөбүздөгү бир нече ири объекттердин курулушун каржылоого жардамдашып келген. Алсак, Шопоков шаарындагы завод, Ош шаарындагы төрт жылдыздуу мейманканалар, Бишкектеги «Боорсок» соода тармактары. Ошондой эле Таш-Көмүр шаарындагы мунай иштетүүчү заводдун иштешине салым кошкон. Ал эми учурда борбор калаабыздын борборунда заманбап турак жайдын курулушуна көмөктөшүп, «Оргтехстрой» компаниясы менен чогуу иш алып баруудабыз. Аталган долбоорго катышуудан мурун анын тобокелчиликтерин санап, бардык тарабын изилдедик. Бул 2 жылдык ири долбоор эки тарапка теӊ ыӊгайлуу болгондон тышкары шаар тургундарын кооз, заманбап үй менен камсыздаары шексиз. Бул банк ишмердүүлүгү бизнес коомчулугу менен кандай иш алып баруусунун үлгүсү боло алат деп эсептейм.

«РОСИНБАНК» МЕНЕН КЫЗМАТТАШУУ БИЗ ҮЧҮН ПАЙДАЛУУ»
Канатбек Исмаилов, «Оргтехстрой» курулуш компаниясынын Директорлор кеӊешинин башчысы:
– «Оргтехстрой» ААКсы көп кабаттуу үйлөрдү салуу менен иш алып барууда. Биздин компания «Росинбанк» менен 2 жылдан ашык иштешип келет. Жылуу мамиленин негизинде бул аралыкта шаар ичинде бир канча заманбап турак жайларды салууга жетиштик. Бүгүнкү күнү шаарыбыздын Токтоналиев-Жаманбаев көчөлөрүнүн кесилишинде «Чатыр-Көл» 12 кабаттуу турак жайдын алгачкы капсуласы салынды. Бул имарат акыркы үлгүдөгү технология жана материалдардын негизинде салынат. Анда жер астындагы унаа токтотуучу жай, 1-2-3 бөлмөлүү батирлер болсо, имараттын 1-кабаты кеӊселер үчүн болмокчу. Аталган банк менен иштешүүнү мындан кийин да улантабыз. Себеби биз үчүн «Росинбанк» ишенимдүү өнөктөш жана алар менен кызматташуу пайдалуу.

Адилет Керимбеков