Акыркы учурда ырчылар арасында чет өлкөдөн клип тартмай модага айланып бараткандай. Алардын катарын быйыл Дайыр Исмадияров да толуктады. Көрсө, Инстаграмдагы баракчасына чет өлкөдөн түшкөн сүрөттөрүн байма-бай жүктөгөн ырчы клип тартам деп чуркап жүрүптүр.
Бул тууралуу Дайыр: «Быйыл гастролдорго көп чыктым. Жакында эле Москвага Нурмат Садыров экөөбүз Эрнист Сыдыковду ээрчитип алып клип тарттырып келдик. Клиптин уландысын Түркиянын Стамбул шаарына барып тарттык. Жумуш менен бирге эс алып жаттым»,- дейт. Кезинде гүл кучактап тоо боорунда клип тарткан деӊгээлден өсүп, чет өлкөдөн клип тартканга жетишип калганыбыз, албетте, кубандырат.