«АТАБЫЗ ҮЙДӨН ЧЫККАН БОЮНЧА ДАЙЫНСЫЗ»
– Чүй облусунун Ысык-Ата районуна караштуу Жээк айылынын жашоочусу 1936-жылы туулган Көчөрбай Карасартовду издейбиз. Ал 2015-жылдын 14-ноябрында болжол менен кечки саат 6ларда үйдөн чыгып кеткен боюнча дайынсыз. Ошол күнү башына калпак, үстүнө кара костюм-шым жана бутуна кара өтүк кийип жүргөн. Маал-маалы менен эс-тутумун жоготуп турат. Көргөн-билгендер болсо 0700 522944 номерине чалып коюуӊуздарды суранам.

Баатыр

«ТАЙПАЛАШЫМ НАГИМА, КАБАРЛАШ»
– Курбу кызым жана тайпалашым Нагиманы издейм. Ал Нарын облусуна караштуу Ат-Башы районунан болот. Биз 1989-жылы КМУнун физика факультетин бирге аяктаганбыз. Нургүл, Мадина, Миргали, Нургали деген бир туугандары бар болчу.

Анара, тел.: 0700 65 04 03,
0777 14 46 08

«АСКЕР КЫЗМАТЫН БИРГЕ ӨТӨГӨН ДОСТОРУМДУ ИЗДЕЙМ»
– 1984-1986-жылдары Орусиянын Москва облусунун Домодедово районундагы 71477-аскер бөлүгүндө бирге кызмат өтөгөн досторумду издейм. Анын бири Замир Момуналиев Ысык-Көл облусунун Ак-Суу районунан болсо, экинчиси Жыргалбек Конокбаев Чүй облусунун Мээнеткеч айылынан эле. Биз 30 жылдан бери көрүшө элекпиз. Замир, Жыргалбек, окуп калсаӊар байланышкыла.

Жаныбек Орозбеков,
тел.: 0555 44 29 59

Сиз качандыр бир кездеги жакын адамыӊызды издеп, бирок таппай жүргөн болсоӊуз, анда Главпочтамт, а/я 2031 дарегине же koom@super.kg электрондук почтасына кат жазыӊыз.
Эскертүү! Катта маалымат берген адамдын дареги же телефон номери так көр­сө­түлүүгө тийиш.
Байланыш телефону: (0312) 32-33-28