• «Таалай элеси» тобунун ырчысы ТОТОМИДИН ЖОЛДОШЕВ «Кыз куумай», ТҮМӨНБАЙ КОЛДОШОВ «Күн батканын койсочу» аттуу жаӊы ырларды жаздырышты.
• МЭЭРИМ КАРЫПОВА «Бешик эне», КЕНЖЕ ДҮЙШЕЕВА «Ош шаарым» деген ырларына клип тарттырышууда.
• АЙПЕРИ КУЛБАЕВА «Сага гана» аттуу ыр жаздырып, жазында болчу концертине даярданууда.
• Акын ШАЙЛООБЕК ДҮЙШЕЕВ экинчи даражадагы «Манас» ордени, ал эми режиссёр САДЫК ШЕР-НИЯЗ «Даӊк» медалы менен президент тарабынан сыйланышты.
• Кыл кыякчы ЗАЛИНА КАСЫМОВА жеткинчектерге комуз, кыл кыяктан сабак бере баштады.
• Актёр АДИЛЕТ УСУБАЛИЕВ карьерасын улантуу үчүн Кыргыз улуттук консер­вато­риясындагы окуусун токтотуп, АРСЕН ӨМҮРАЛИЕВ атындагы Бишкек шаардык драма театрына жумушка орношту.
• «АЗИЯ МИКС» командасы «КиВиН-2016» гала концертине катышмакчы.
• Актёр КАМЧЫ САРЫБАЕВ үй-бүлөсү менен Дубайга эс алууга барууга камынууда.
• «ЭлFM» элдик радиосу Ош, Жалал-Абад жана Баткен облустарынан «Элдик таланттарды» издейт. Сиз комузда, аккордеондо же гитарада мыкты ойноп, кубулжута ырдай аласызбы? Анда «ЭлFM» менен байланышыӊыз! Байланыш телефону: 03222 2 74 81

star@super.kg