Рысбек кызы Зейнеп 15 жашта. Ал 3 жылдан бери боор оорусу менен жабыркап келет. Акыркы 3 айда анын денеси саргарып, оорусу күчөп кеткен. Мындан улам кыймылы начарлап, мектепке бара албай үйдө отуруп калган. Дарыгерлер Зейнептин боору альвеококкоз менен жабыркаарын, аны тез арада алмаштыруу керектигин айтышкан. Бирок операция чет өлкөдө гана жасалгандыктан кыздын ата-энеси каражаты жок экенин айтып, кайрымдуу атуулдарыбыздан жардам сурашат. Өлкөдөгү дарыгерлер «операция жасай албайбыз» деп ичин ачышып, ириӊ, бузулган кан-жин чыгып турсун деп боордон сыртка түтүк чыгарып коюшкан. Чет өлкөдөн операция жасатуу үчүн Зейнептин ата-энеси элден каражат топтоого аргасыз.
Зейнеп 7 бир туугандын экинчиси. Боорду алмаштыруу операциясын Индияда жасатууга болот. «Ага кетчү чыгымдын жалпы суммасы 45 миӊ долларды чамалайт экен. Мындай каражатты төлөп барып келүүгө мүмкүнчүлүгүбүз жок»,- дейт Зейнептин апасы Ирина Казакбаева.

Гүлжан Асанкожоева
koom@super.kg