Кыргыз Республикасынын Эл артисти, актёр Чоро Думанаев бизге берген маегинде: «20 жылдан бери үй алуу үчүн 6-номурда кезекте турам, бирок дегеле кезек жетпей койду. Союз кезинде Чыгыш-5 кичи районунан жатакана тибиндеги бир бөлмөлүү батир беришкен. Азыр ошол батирде үй-бүлөм менен жашап жатам»,- деп кейиген эле. Окурмандар «актёрго үй берилдиби, билип бересиздерби?» деп көп кайрылышат. «Үй алууга кезек жеттиби, абалыӊыз кандай?» деп агайга байланышсак, бутун сындырып алганын айтып сурообузга жооп узатты.
– 1 күн мурун муздан тайгаланып кетип бутумду сындырып алгам. Гипс койдургандан кийин жатып дарыланайын десем, дарыгерлер «орун жок, болгондо айтабыз» дешти. Мамлекет тарабынан үй бериле элек, жатаканада эле жашап жатам. Кышында ал жактын шарты болбогондуктан учурда кайненемдин үйүндөбүз.