5-мартта тушоо кесүү концертин бергени жаткан Нурмат Садыров Маданият, маалымат жана туризм министрлигинин Ардак грамотасы менен сыйланды. Ырчы мырза кубанычы менен бөлүшүп, алдыдагы концерти тууралуу айтып берди.

– Нурмат, Ардак грамота кут болсун!
– Рахмат. Күтүлбөгөн жагымдуу сыйлык болду. Жаратып жаткан эмгектерим бааланып, маданиятка салым кошуп жатканыма кубанычтамын. Бул менин чыгармаларым эл ичинде уккулуктуу болуп жатканынан кабар берсе керек. Анткени менин кол-буттан алып жардам берип чуркап турган продюсерим жок. Элдин колдоосуна, алкышына татып турганга эмне жетсин?!

– Концертиңде өзгөчөлүктөр болобу?
– Ырларымды сүйүп уккан күйөрмандарым үчүн сахнанын кооздугуна жакшы көңүл буруп, каражат аяган жокмун. Концертте оюн ойнотулуп, күйөрмандарыма белектер берилет.