«Сендей мага», «Сүйүү күчү», «Кудай берсе» деген ырлардын аткаруучусу Адилет Азимов май айында Башкортостандын Уфа шаарында өтчү «Урал моңо-2016» эл аралык музыкалык сынагына катышат. Бир канча эл аралык музыкалык сынактардын лауреаты болуп келе жаткан Адилет бул сынакта жеңишти багындыруу үчүн даярдык көрүп жатканын айтат.
«Сынактан жеңиш менен кайтыш үчүн болгон аракетимди жумшайм. Учурда сынакка жаңы чыгарма жаздырып жатам»,- дейт ырчы жигит. Буга чейин аталган сынактан Курал Чокоев 1-орунду, Айбек Саралаев 2-орунду өңөрүп кайтышкан.
Кошумчалай кетсек, Айчүрөк Иманалиева бул жылы да аталган фестивалдын калыстар тобунун мүчөсү болот.