«Заманыбыздын супер алып баруучусу» Нурзат Токтосунова «Супер-Инфонун» статуэткаларын көп жолу алган рекордчулардын бири. Бул жолу ал «Wedding awards-2015» сыйлыгы тарабынан «Жаңы муундун алып баруучусу» деген наамга татып, дагы бир жолу мыкты экенин далилдеди.
Сүйүнүчү коюнуна батпай жүргөн Нурзат мындай дейт: «Ар бир сыйлыкты утканда биринчи жолу алып жаткандай толкунданам. Мен алган «Wedding awards» сыйлыгы эл аралык сыйлык. Алгач талапкерлер сайтка добушка коюлуп, андан соң эл аралык деңгээлдеги калыстардын чечими менен жеңүүчү аныкталат. Мен көп эле үлпөт тойлорду алып барып жүрөм, тойлордо көрсөткөн кызматым бааланып жатканына сүйүнүп турам. Социалдык тармактарда мага жан үрөп добуш берип, үгүттөө иштерин кызуу жүргүзгөн окуучуларыма ыраазычылык билдирем».