Канат Култаев буга чейин жалаң мырзаларды таптап, продюсерлик кылып келсе, былтыр биринчи жолу Нурзада деген кызды карамагына алган. Жакында дагы бир «кыздуу» болгонун уктук.
«Ырчы болгусу келгендер «мага жардам бериңизчи» деп көп кайрылышат. Алардын баарына тең жардам бере албагандыктан, атайын шоу-бизнес мектебин ачкан элем. Ал жактын бүтүрүүчүсү Тамгагүл башкалардан тембри, ырдаган манерасы менен өзгөчөлөнүп турчу. Ал былтыр «мага продюсерлик кылып бериңиз» деп суранды. Мындай таланттарды жолго таштап койсок болбойт. Ошондуктан апрелден тарта экөөбүз 5 жылга келишим түзүп иштеше баштадык»,- дейт Канат Култаев. Анан да учурда «кызы менен атасы» чет элдик сынактарга даярданып жатышканын билдирди. Бул тандемге ийгилик каалайбыз!