Окурмандардан келген суроолорго врач дерматолог, косметолог МЭЭРИМ ДАВЛЕТОВА жооп берет.

– Бетимди самын менен эле жууп коём. Өмүрү крем коюп көргөн эмесмин. Жарым жылдан бери бетим кычыша баштады. Теринин алдынан кумурска чуркап кеткендей болот да, кычышып кирет. Бул эмнеси?

Садыр, Жалал-Абад

– Бет териңиздин алдында паразиттер жашашы мүмкүн. Андыктан лабораторияга барып демодекозго анализ тапшыруу зарыл. Эгер паразиттердин бар экени аныкталса дарылоону косметолог, дерматолог жүргүзөт. Бет теринин алдындагы паразиттер иммунитет түшкөндө, нервденгенде көбөйөт.

Дерматолог, косметолог эскертет! Үй шартында кандайдыр бир ыкма колдоноордон, дары ичерден мурун адис менен кеңешиңиз!

Сүйүн Кулматова
kenesh@super.kg