Темир Назаров март айында концерт коюп, концерти аншлаг менен өткөнү элдин эсинде чыгаар. Анда билетке жетпей, өкүттө калгандар көп болгон. Жаш жылдыздын мукам үнүнө моокуму канбай калгандар үчүн бул жолку концерт көктөн издегендери жерден табылгандай болду.
Концертти жаш болсо да ишине маш Алексей Филатов ачты. Концертти Алексейдин алып бара турганы элге өзгөчө жаңылык болду. Бул жолу сөздөрү кулакка сиңип бүткөн алып баруучулардан айырмаланып Алексей куйкум сөздөрү, жаштык жигери менен көрөрмандарга өзгөчө жакты.
"BS" тобунун көз кубанткан бийинен кийин жаштардын кумири болгон Самандар сахнага чыга келди. Бул ырчы өзгөчө үнү, өзүнө гана тиешелүү стили менен жаштардын, өзгөчө кыздардын көңүлүн өзүнө бура алды.
Ошентип, эки-үч номерден кийин биз күткөн далай кыздарды суусаткан Темир Назаров сахнага чыга келди. Темирди жакындан көрүүгө ашык болгондордун көп экенин мындан билиңиз, айрым кыздар жогору жактан, амфитеатрдан төмөн көздөй жөнөп калышты. Залды аралап ырдаган Темирге кол созуп кыйкыргандар, жалжылдаган көз менен узата карагандар мындан көп. "Темир" деп кыйкырып, эпчилдери алдын тоскон аскер формасын кийген жигиттерге да ээ-жаа бербей сүрөткө тартып жатышты.

(Макаланын толук вариантын «Супер-Инфо» гезитинен окуңуздар).