Режиссёр Сүйүн Откеев интернетте жылдызы жанган жаш ырчы Нурчолпонго расмий түрдө продюсер болду. Буга чейин 18 жаштагы ырчы кыздын талантына күйөрмандары интернет аркылуу гана күбө болуп келишсе, эми чоң сахнадан көрө алышат.
«Нурчолпон интернет дүйнөсүндө аябай белгилүү, анын көптөгөн күйөрмандары бар. Ал көбүнчө эски ырларды жаңылап ырдап келген. Мектепти жаңы бүттү. Буюрса, аны чоң сахнага даярдай баштадык. 4-июнда чыгармачыл тушоосун кесип, кече уюштурабыз. Ырчы кыздын потенциалы күчтүү. Кечеде фортепиано, гитара, комузда кол ойнотуп, жандуу үн менен ырдап талантын көрсөтөт»,- дейт Сүйүн мырза.