MegaCom өзүнүн 10 жылдыгын жана дагы жогорку ылдамдыктагы 4G LTE жаңы технологиясын киргизгенин өзгөчө белгилөөнү улантып жатат. 3-июнда мобилдик оператор мааракесин Кыргызстандын түштүк борборунун миңдеген тургундары менен конокторун борбордук стадионго чогултуп, мега концерт уюштуруу менен майрамдады.

MEGACOM ОШ ШААРЫНДА 10 ЖЫЛДЫГЫН БЕЛГИЛЕДИ
Компаниянын бул мааракесин куттуктоо үчүн Кыргыз Эл артисти Саламат Садыкова баштаган ата мекендик таланттуу жылдыздар келишти.
«Мен MegaCom менен түбөлүккө биргемин. Компания түзүлгөндөн бери, тагыраак айтканда, 10 жылдан бери менин номерим өзгөргөн жок. Сиздер мени менен чогуу болгонуңуздар үчүн, сапаттуу байланыш үчүнрахмат.
Дайыма алга!» деди Эл артисти куттуктоо сөзүндө.
Саламат Садыковадан тышкары Арсен, Бегиш, Баястан, Нурмат Садыров, Дайыр Исмадияров жана башка таланттуулар көрүүчүлөргө өз өнөрлөрүн тартуулашты. Ал эми ырлардын ортолорунда шайыр алып баруучулар, «No name» командасынын жигиттери Мурат менен Кадыр өз тамашалары менен элди зериктирген жок.
Чогулгандар өздөрү сүйгөн ырларга кошулуп ырдап, балдар ортого чыгып бийлеп сонун эс алышты. Баса, дал ошол көңүлүндө кири жок жаш балдардын жардамы менен 4G-смартфондорунун, 4G-модемдеринин, миң мүнөттүк бекер сүйлөшүүнүн жана сандары окшош болгон «Алтын» номерлердин бактылуу ээлери аныкталды. Компания 10 жашка чыкканынын урматына ар бир белектин түрү 10 комплекттен берилди.
Концерт Ош шаарынын тургундарын позитивдүү энергия менен курчап, миңдеген жашыл шарлар майрамдык маанай тартуулады. Бардык жакта достук менен шаттыктын атмосферасы курчап турду. Көрүүчүлөр да, конок болуп келген жылдыздар да уюштуруучуларга ыраазычылыгын билдирип жатышты.
«Менин балам Баткен облусунун алыскы бир айылында иштейт. Аны менен MegaCom аркылуу сүйлөшүп турам. Бүгүн болсо минтип сонун майрамда отурам, силерге чоң рахмат»,- деп өз оюн билдирди Гүлмайрам эже.
«Быйыл 3-курсту аяктадым, MegaCom`дун тейлөө борборлорунун бирине келип телефонума 100 сом жүктөсөм, ал жактагы адистер концертке акысыз билет беришкен, курбум экөөбүз келип концерттен ырахат алдык. Ал эле эмес, мен заманбап смартфон утуп алгандардын бири болдум, абдан кубанып турам. MegaCom 3-курсту ийгиликтүү аяктаганым үчүн мен каалаган белекти бергендей кабыл алдым. Рахмат, MegaCom!»- деп Ош шаарынын тургуну Гүлназ кубанычын жашырган жок.

Жалпысынан концертке келгендердин элүүдөн ашыгы MegaCom’дун белектерине ээ болуп кайтышты.
Эске салсак, MegaCom’дун майрамдык иш-чаралары жазында массалык веложүрүш менен Жалал-Абад, Ош, Бишкек шаарларында башталган эле. Андан ары атайын акциялар, Жалал-Абаддагы концерттер менен уланган болчу. Уюлдук оператордун 10 жылдык мааракесине жана 4G LTE технологиясынын киргизилишинин урматына дагы көптөгөн кызыктуу иш-чаралар уюштурулмакчы. Компаниянын жаңылыктары менен
www.megacom.kg сайтынан жана социалдык тармактагы баракчалардан #MegaComKg хэштеги менен таанышып турсаңыздар болот.