"2013-жылдын супер актёру" Бектемир Мамаюсупов 11-июнь күнү уулдуу болуп, сүйүнүчү коюнуна батпай жүргөн кези. "Уулум төрөлөрдө абдан корктум, жубайыңдын, балаңдын ден соолугунан кабатыр болот экенсиң. Атын таятасынын керээзи боюнча Бексултан деп койдук. Азырынча уулумду эч кимге окшоштура элекмин, буюрса, мага эле окшош болот",- дейт актёр.
Ал эми өзүнүн туулган күнүндө кыздуу болгон алып баруучу Нурдөөлөт Копоев: "20-июнь күнү өзүмдүн туулган күнүмдө жубайым мага кыз төрөп белек кылды. Ысымын өзүм Нуршайыр деп койдум, анткени уулумдун аты Нурбайыр, ошого окшошсун дедим. Азыр жубайым кызым менен төрөтканада, мен уулумду карап үйдөмүн. Бала баккандын түйшүгүн, 16 баланы баккан апамдын мээнетин жон терим менен эми сезип жатам",- дейт.

star@super.kg