“Тамашоунун” таланттары

“KG_77” командасынын оюнчусу Куба сулуу кыздарды көргөндө курсагы ачып кетет. Ошондуктан кыздар, жаныңарга тамак ала жүргүлө!

Жашы – 10+8=18
Бою – Жүз 70 тогуз сантиметр
Салмагы – “Илибой” кыз көтөрө алат
Дежур сөзү – “Койдун майын сүйкөп койгула”
Өзүндө баалаган сапаты – Маршруткада жол киреге 10 сом берип, 2 сом сурабайт
Үй-бүлөлүк абалы – Бир кыз, бир уулдун байкеси
Жактырган машинасы – Кир жуугуч машина
Жактырган тамагы – Куурулган картошка, 3-парадан кийин баарын жей берет
Девизи – Кыргызстан – красавчик!
Максаты – Кыргызстандын президенти болуу, жок дегенде президенттин досу болуу

Кыргыз спортчусу «Ванкувер» Олимпиадасында трамплинден пакет менен секирип жеңишке жетишти.

Мерген Тургандан журналист сурап жатат:
– Сиз качан турмушка чыгасыз, ой, кечиресиз, аял аласыз?..

“Камбар-Ата” ГЭСи курулуп бүткүчө “Камбар-Чоң ата” болуп калат.

Депутаттар 23-февралда белек албай калып «дагы 90 депутат аял шайлоо керек» деген мыйзам чыгарышты.

Базарбек Абдураимов
sport@super.kg
Сүрөттөр «Супер-Инфонун» архивинен алынды.