"Тушалган махабат", "Махабат – өмүр көркү", "Сүйүү мага келе элек" ырларынын аткаруучусу Айдин Шер продюсеринен кеткенден кийин чыгармачылыкты таштаган эле. Бир нече жыл Москвада жашап келген ырчы "Кыргызстанга келген сайын сахнаны сагынчумун, эми чыгармачылыкка биротоло кайтам" дейт.

– Кандай, Айдин, жакында эле Москвадан келгениңди айтып калдың, ал жакка эмнеге кеттиң эле?
– Саламатсыздарбы, продюсерим Динара Эсенгуловадан кеткенден кийин чыгармачылыкты улантууга кайра көңүлүм чаппай койду. Ырдабайм, бүттү чыгармачылыкты токтотом деп ойлогом. 5 жыл Москва шаарында жашап, иштеп жүрдүм. Ал жакта продюсер Яна Рудковскаянын шоу-бизнес жана киноакадемиясында эки жарым жыл окудум. Кыргызстанга келгениме 2 айдай болуп калды. Негизи мекениме келген сайын сахнаны сагынам, куса болом. Кыргызстанга келгенден кийин ыр жаздырып чыгармачылыкка кайтууну чечтим. Мурунку ырларым кайгылуу, муңдуу болсо, бул жолу шаңдуу ырлар менен чыгайын деп жатам. Буюрса, мурунку Айдин Шердин деңгээлинен ашам.

– Жеке жашоодо да жаңылыктарың бар экен...
– Ооба, былтыр жайында үйлөнгөм. Ушул жылы 15-майда кыздуу болдум. Жубайым Эльвира 22 жашта, экөөбүз "Миллиондук мелдеш" тасмасына тартылып жүргөндө таанышканбыз. Мени "кинодо роль аткарып бер" деп чакырышкан эле, Эльвира да ошол тасмада тартылган.

star@super.kg