Керектелүүчү азыктар:
150гр. селёдка, 250гр. картошка, 150гр. сабиз,
200гр. кызыл кызылча, 3 даана жумуртка жана майонез.

ДАЯРДОО

1. Алдын-ала картошка, сабиз жана кызылчаны туздуу сууга бышырып алабыз. Ал эми жумурткаларды өзүнчө сууга кайнатып, бышырып алуу кажет.

2. Бышкан жумурткалардын кабыгын аарчып, сарысын бөлүп алып, майдалап, өзүнчө тарелкага салып коёбуз. Ал эми агын болсо ичке таякча кылып туурайбыз. Бышып даяр болгон картошканы, сабизди, кызылчаны тёркадан өткө­зүп, бөлөк-бөлөк тарелкага салабыз.

1. 3. Селёдканы тазалап, ичке таякча кылып туурап, тарелкага башы, куйругу көрүнгөндөй кылып балыктын кебетесинде жайгаштырабыз. Үстүнө картошканы бир катар себелеп, анын үстүнө майонезди тегиз кылып сүйкөп чыгабыз. Кезек сабизди себелеп, майонезди куюуга, анын үстүнө кызылчаны сээп, майонезден кайталоого келет. Акырында жумуртканын агын кызылчанын үстүнө жаап, анын үстүнөн жумуртканын сарысын себелеп коёбуз.

Даярдаган Миргүл Мандиева