"Тамашоу" долбоорунун күйөрмандары үчүн жакшы жаңылык. 5-сезондун чемпиону аталган "Моника Беллуччи" командасынын өзгөчө тамашаларын сагынгандар көп болсо керек? Аталган команда "мындан ары ойнобойбуз" дешкенде "Тамашоуну" аларсыз элестетүү кыйын болгон. Бирок топтун "фишкасы" болгон Жеңиш, Бакыт дагы деле элден алыстабай, кино талаасында ийгилик жаратып келишет. Бир кезде "Сулуулук дүйнөнү сактайт" деген девиз менен чыккан команда кайра биригип, элге күлкү тартуулоо үчүн камынып жүрүшөт. Бул боюнча команданын капитаны Бакыт Осмонканов: "Моника Беллуччи" чемпион болгондо коштошуу концертин өткөрөлү деген кыялыбыз бар болчу. Бирок ар кандай себептерден улам оюбуз ишке ашпай калган. Арадан бир нече жыл өтсө да ошол кыялыбыз оюбуздан кеткен жок. Андыктан топтун толук курамы чогулуп, концерт берели деп чечтик. Ошону менен эле тарап кетпей, киностудия ачып, чет өлкөлөр менен иштешүү пландарыбыз бар",- дейт.

star@super.kg